ಭೂತಾರಾಧನೆ ಬೊಕ್ಕ ಮೂಢ ನಂಬಿಕೆ:

ತುಳುನಾಡ್ ಬದಲಾ ತ್ಂಡ್
 ಭೂರಾತಾಧನೆ ಮೂಢ ನಂಬಿಕೆ ಆಂಡ ದೇವರೆ ಆರಾಧನೆಲಾ ಮೂಢ ನಂಬಿಕೆ. ಉಂದು ಎನ್ನ ನಿಲುವು.  ಮೂಢನಂಬಿಕೆ ಭೂತಾರಾಧನೆಡ್ಲಾ ಉಂಡು  ವೈದಿಕ ದೇವೆರೆ ಆರಾಧನೆಡ್ಲಾ ಉಂಡು.

ಇತ್ತಿ ದೇವತಾರಾಧನೆದ ಸುದ್ದಿ ಬುಡುದು ಭೂತಾರಾಧೆನ  ಸುದ್ದಿಗ್ ಬರ್ಕ. ಬೂತಾರಾಧನೆಗ್ ಅಷ್ಟಮಂಗಳ ಪ್ರಶ್ನೆದ ಸವಾರಿ ಆಯಿಬೊಕ್ಕ ಬೂತಾರಾಧನೆಡ್ ಮೂಢ ನಂಬಿಕೆ ಎಚ್ಚ ಪೊಗ್ಗುಂಡು. ಒಂಜಿ ಕಾಲೊಡು ಕುಟುಂಬ  ಸೌಖ್ಯ  ಗ್ರಾಮ ಸೌಖ್ಯ ಮಾಗಣೆ , ಸೀಮೆದ ನ್ಯಾಯ ಪಂಚಾತಿಕೆ ಮಲ್ಪರೆ ಇತ್ತಿ ದೈವೊಲು ಅಷ್ಟ ಮಂಗಳೆದಕಲೆ  ಎದುರು ತರೆ ತಗ್ಗಾರೆ ಪತ್ತಿಯೆ.

ಉಂದು ದೈವೊಲೆ  ತಪ್ಪಾ ದೈವ ಮಾಧ್ಯಮೆರೆ ತಪ್ಪಾ? ಅತ್ತ್ ಅಷ್ಟ ಮಂಗಳ ಪ್ರಶ್ನೆ ದೀವರೆ ಪೋಪಿನಕಲೆ ತಪ್ಪಾ?

ಯಾನ್ ಕ್ಷೇತ್ರ ಕಾರ್ಯೊಡು  ತೂಯಿ ಒಂಜಿ ಸನ್ನಿವೇಶ ಕೇನ್ಲೆ,:

ಒಂಜಿ ಅಸ್ಪೃಶ್ಯ ಜಾತಿದಕುಲು ಮಲ್ಪು ಉಲ್ಲಾಯ ಉಲ್ಲಾಲ್ತಿ ಕೋಲ: ಅಲ್ಪನಡತಿ ಕಥೆ:

“ಯಜಮಾನೆರೆ: ಮುಲ್ಪ ನಾಗ ಬನೊಕ್ಕು  ಬೊಲ್ಲ ಬೂರುಡು. ತೋಡ ನೀರ್ ನಾಗ ಕಲ್ಲ್ ರಟ್ಟಾದ್ ತುದೆಗ್ ಪಾಡುನ ಸಂದರ್ಭ  ಉಂಡು.

‍ಉಲ್ಲಾಲ್ತಿ: ಅಯಿಕ್

ಯಜಮಾನೆರ್ : ಎಂಕುಲು ನಾಗ ಬನ ಗಿರ್ತ್ ಜೀರ್ಣೋದ್ಧಾರ ಮಲ್ಪೊಡುಂದು ಉಲ್ಲ. ಅಷ್ಟ ಮಂಗಳ ಪ್ರಶ್ನೆ ದೀವೊಡುಂದು ಉಲ್ಲ.

ಉಲ್ಲಾಲ್ತಿ:  …….

ಯಜಮಾನೆರೆ: ಈ ಎಂಕಲೆ ಅಪ್ಪೆ ಈ ನುಡಿ ಕೊರೊಡು

ಉಲ್ಲಾಲ್ತಿ: ನಿಕುಲು ಅಷ್ಟ ಮಂಗಳೊಡು ಕೇನರಿತ್ತಿನಕುಲು. ಯಾನ್ ನುಡಿ ಕೊರ್ಪಿನಿ ದೇಗ್

ಯಜಮಾನೆರೆ: ಈ ಎಂಕಲ್ನ ಅಪ್ಪೆ. ನಿನಡ ಕೇನಂದೆ ಎಂಕುಲು ದುಂಬು ಪೋಪಿನಿ ಎಂಚ.

ಉಲ್ಲಾಲ್ತಿ : ಬೊಕ್ಕ ಅಷ್ಟಮಂಗಳ?  

ಇತ್ತೆ ಒರಿಯನಲಾ ಮನಿ ಮಂಬು ಇಜ್ಜಿ.

ಯಜಮಾನೆರೆ: ಏಲೆ ಕರಿವುಂಡು. ಅಪ್ಪೆ. ತಾದಿ ತೊಜಾವೊಡು.

ಉಲ್ಲಾಲ್ತಿ : ಅಷ್ಟಮಂಗಲೊಡು ಕೇನುನಕುಲು ಎನ್ ಕೈತಲ್ ಬರಿಯರೆ ಬಲ್ಲಿ. ಎನಡ ಕೆನುನಕುಲು ಅಷ್ಟ ಮಂಗಲ ಕೇನರೆ ಬಲ್ಲಿ. ಪಿರಾಕ್ ದ್ ಕಟ್ಟಲೆ -ನೂಲು ಪಾಡಂದಿ ಬೆರಣ ಕಾಲೊಡು ನಡತಿಲೆಕ್ಕದ ಕಜ್ಜ ಬೊಡ್ಚತ್ತೆ ನಂಕ್ .

ಇತ್ತೆಲಾ ಯೇರೆನಲಾ ಮನಿ ಮಂಬು ಇಜ್ಜಿ.

ಉಲ್ಲಾಲ್ತಿ: ನಿಕುಲು ಅಷ್ಟ ಮಂಗಲೊಡು ಕೇನ್ ದ್ ಆಯಿ ಬೊಕ್ಕ ದುಂಬಾಗ್ ಎನ್ನ ಕೈತಲ್ ಬಲ್ಲೆ ಅಪಗ ಯಾನ್ ಪನ್ಪೆ ನಿಕಲೆ….ಇಜ್ಜಿಡ  ಒಂಜಾ ಅಷ್ಟ ಮಂಗಳ ಒಂಜಾ ಯನ್ನ  ಮದಿಪು  .

ಮನಿ ಮಂಬು ಇಜ್ಜಿ

ಉಲ್ಲಾಲ್ತಿ: ಎನ್ನ್ ದ್ ದುಂಬಾಗ್  ಬಲೆ