ತುಳುನಾಡ್ ಬದಲಾತ್ಂಡ್

ತುಳುನಾಡ್ ಬದಲಾ ತ್ಂಡ್.

ಕಾಡಿಡಿತ್ತಿ ಬೂತೊಲು ನಾಡ್ ಬತ್ತ. ಕೆಲವು ಚಾವಡಿಡ್ ಕುಲ್ಲಿಯ.

ಚಾವಡಿಡ್ ಕುಲ್ಲಿ ಬೂತೊಲು ಮಲ್ಲ ಮಲ್ಲ ಬಂಗಲೆಗ್ ಡಿಮಾಂಡ್ ಕೊರಿಯರೆ ಪತ್ತಿಯೆ.
 ಇತ್ತೆಲಾ ಕೆಲವು ಬೂತೊಲು ಕಾಡ್‍ಡ್ ಮನಿಪಂದೆ ಶಾಂತಿಡ್ ಉಲ್ಲ. ಆಂಡ ಚಾವಡಿಗ್ ಬತ್ತಿ ಕುಲ್ಲುದಿ ಬೂತೊಲೆ ಚಾವಡಿ ಎಲ್ಲಿ ಆಪುಂಡುಗೆ. ಬೂತ ಕಟ್ಟಿನಕುಲು ಮಲ್ಲ ಚಾವೆಡಿಗ್ ಡಿಮಾಂಡ್ ದೀಪಿನ ತೂನಗ ಚೋದ್ಯ ಆಪುಂಡು. ಪಿರಾಕ್ ದ ಪೊರ್ಲ ಕಂಟ್ ದ  ಚಾವಡಿನ್ಲಾ ದರ್ತ್ ಕಟ್ಟೊಡು ಇಂದ್ ಒಂಜಿ ಮಲ್ಲ ಬೂತ ಪನ್ನಗ ಎಂಕ್ ಚೋದ್ಯ ಆಂಡ್. ಆ ಕುಟುಂಬದ ಸದಸ್ಯರೆಗ್ ಕೋಲೊ ಬತ್ತ್ಂಡ್ ಕುಲ್ಲರೆ ಜಾಗ್ ಇಜ್ಜಿ. ಬತ್ತಿನಕಲೆಗ್ ಕುಲ್ಲರೆ ಚಾವಡಿ ಕಟ್ಟ್ ಲೆ , ಜಾಗ್ ಕೊರ್ಲೆ ಇಂದ್ ಪನಂದಿ ಬೂತ, ಇಲ್ಲದ ಪೊನ್ನುಲೆನ್ ಮದಿಮೆಗ್ ಸಾಯ ಕೊರ್ಲೆ ಪನಂದಿ ಬೂತ, ಕಲ್ಪರೆ ಇತ್ತಿ ಜೋಕುಲೆ ಕಲ್ಪುಗು ಸಾಯ ಕೊರಿ ಪನಂದಿ ಬೂತ,  'ಎನ್ನ ನಡೆ ಮರತ‍್  ಚಾವಡಿ ಕಟ್ಟೊಡು, ಪನ್ಪಿನ ಕೇನ್ನಗ ನಮ್ಮ ನಂಬಿ ಅಪ್ಯ /ಸತ್ಯೊಲು ಮನುಷ್ಯ ಲೆಕ್ಕ ಸ್ವಾರ್ಥಿಲು ಆವೊಂದು ಉಲ್ಲಾನಾ ತೋಜುಂಡು.

ಬೊಕ್ಕುಂಜಿ ವಿಷಯ ಬೊಳ್ಳಿ ಬಂಗಾರ್ದ್.  ಒಂಜಿ  ಕಾಲೊಡು ಕಲ್ಡ್ಡ ನಂಬುದಿ ಸತ್ಯೊಲೆಗ್ ಇನಿತ ಕಾಲೊಡು ಬೊಳ್ಳಿ ಬಂಗಾರ್ ಬೋಡು. ಮಗ, ಕಡ್ಸಲೆ , ಇಂಚಿತ್ತಿ ಆದಿ ಕಾಲದ ಸರಕ್ನ್ ನೀರ್ ದ್ ಗುಂಡಿಗ್ ಪಾಡ್ ದ್ ಬೊಳ್ಳಿ ಬಂಗಾರ್ದ ಮಲ್ಪಾವೆರ್. ಆಶ್ವರ್ಯ ಪಂಡ ಬೋತೊಗು ಉಂತಿನಕಲ್ನ ಬಾಯಿಡ್ದ್ ಬರ್ಪಿ ಬೊಳ್ಳಿ ಬಂಗಾರ್ದ್ ಡಿಮಾಂಡ್.

ಸತ್ಯೊಲು ಪಂಡ  ಅಪ್ಯ. ಆಲ್ ನೊಂದು ಬತ್ತಿ ಬಾಲೆನ್  ಮಾಯದ ಮಿರೆ ಪೇರ್ ಕೊರುದು ಜಕ್ಕೆಲ್ಡ್ ಪಾಡ್ದ್  ಬಾಮುನಾಲ್. ಆನ ತರೆ ಪೊಣ್ಣ ನೆರಿಗ್ ಬಾಧೆ ಬರಂದಿ ಲೆಕ್ಕ ತೂಪಿನಾಲ್.ಅಲೆ ದೇಗ್ ಬಂಗಾರ್ ಪದ್ದೆಯಿ. ಕೊರ್ಪಿನಕುಲು ಪರಕೆಡ್, ಇಜ್ಜಿಡ್ ಖುಷಿಟ್ ಕೊರ್ಂಡ ಗೆತೊನಡ. ಡಿಮಾಂಡ್ ಮಲ್ಪುನು ದೇಗ್.

ನಮ್ಮ ಭೂತಾರಾಧನೆಗ್ ಕಾಡ್ದ್  ಪರಪೋಕುದ ಬೇರ್ ಉಂಡು. ಇಂಚಪ್ಪ ತೂ ಕತ್ತೆರಿ ಪಂಜುರ್ಲಿ ಕೋಲೊಡು ನಾಲ್  ಎಲ್ಯ ಆನ್ ಜೋಕುಲೆನ್ ಕುಲ್ಲಾದ್ ದೈವ ತನ್ನ ಕಥೆ ಪಂಡ್ಡ್ “ ……ಯಾನ್ ಅಲೆನ ಬಾಲೆನ್ ಕಜಿಪು ಮಲ್ತ್ದ್ ಅಲೆನ ಬಾಲೆಗೆ ಇಂಚೆನೇ (ಕುಲ್ದಿ ಜೋಕುಲೆ ಇರೆ ತೊಜಪಾದ್ ) ಬಲಸ್ದ್ ತಿನ್ಪಾಯೆ”  ಪಂಡ್. ಉಂದು ಅನಾಗರಿಕ ಕಾಲದ ಬಹುಷಃ ಮನುಷ್ಯನ್ ತಿನ್ಪಿನಿ ಕಾಲದ ಕಥೆ ಆದುಪ್ಪು. ಉಂದೆನ್ ಜೋಕುಲೆನ್ ಎದುರು ಕುಲ್ಲಾದ್ ಅನಾರಿಕ ರೀತಿಡ್ ಪನ್ಪಿನಿ ನಾಗರಿಕ ಜನೊಕುಲೆನ್ ಲಕ್ಷಣನಾ…

ನಮ ಪಿರಾಕ್ ದ ಎಡ್ಡೆಪ್ಪುನು ಒರ್ಪುಗ, ಆಂಡ ಆಡಂಭರ ಪೊಡ್ಚಿ. ನಮ್ಮ ಸಂಸ್ಕೃತಿನ್ ತೂದು ಮೂಜಿನಾಯಗ್ ಬೆಸರ್ ಆವರೆ ಬಲ್ಲಿ. ಎಂಕ್ ಕೆವು ಕಡೆಟ್ ಬೆಸರ್ ಆಯಿ ಲೆಕ್ಕ.

These  are  Nadalike Palac dities