“ತುಳುವರ ಮೂಲತಾನ ಆದಿ ಆಲಡೆ :ಪರಂಪರೆ ಮತ್ತು ಪರಿವರ್ತನೆ”

“ತುಳುವರ ಮೂಲತಾನ ಆದಿ ಆಲಡೆ :ಪರಂಪರೆ ಮತ್ತು ಪರಿವರ್ತನೆ” ನನ್ನ ಡಿಲಿಟ್ ನಿಬಂಧ. ಕ್ಷೇತ್ರಕಾರ್ಯಾಧಾರಿತ ಕೃತಿ. ಸಂಶೋಧಿಸಿದ ವಿಷಯಗಳಿಗೆ ಪೋಟೋ ಹಾಗೂ ಕ್ಷೇತ್ರ ವಿವರಗಳೊಂದಿಗೆ ಖಚಿತ ಮಾಹಿತಿ ನೀಡಿ ಬರೆದ ಕೃತಿ. ನವಕರ್ನಾಟಕ ಪಬ್ಲಿಕೇಷನ್ ಈ ಕೃತಿಯನ್ನು ಚಿತ್ರಗಳೊಂದಿಗೆ ಪ್ರಕಟಿಸಿ ನನ್ನ ಕ್ಷೇತ್ರಕಾರ್ಯಕ್ಕೆ ಗೌರವ ನೀಡಿದೆ. ಈ ಮೂಲಕ ಖಚಿತತೆ ಒದಗಿಸಿದೆ. ಅಂತೆಯೇ ಅಸಂಖ್ಯ ಓದುಗರು ಇದನ್ನು ಕೊಂಡು ಓದಿದ್ದಾರೆ. ಸಾಮಾನ್ಯ ಓದುಗರು ಮಾತ್ರವಲ್ಲ ವಿದ್ವಾಂಸರು ಈ ಕೃತಿಯನ್ನು ಆಕರಗ್ರಂಥವಾಗಿ ಬಳಸಿಕೊಂಡಿದ್ದಾರೆ. ಸಂಶೋಧನಾ ಕೃತಿಯನ್ನು ನವಕರ್ನಾಟಕ ಪ್ರಕಟಿಸಿದ್ದೇ ಕೆಲವರಿಗೆ ಆಶ್ಚರ್ಯ! ಆದರೆ 2014ರಲ್ಲಿ ಪ್ರಕಟ ಆಗಿದ್ದ ಈ ಶೋಧ ಕೃತಿ 2016ರಲ್ಲಿ ಮರುಮುದ್ರಣಗೊಂಡು ಇಂದು ನನ್ನ ಕೈ ತಲುಪಿದೆ. ನನ್ನ ಪ್ರಕಾಶಕರಿಗೆ ಮತ್ತು ಓದುಗರಿಗೆ ನನ್ನ ಅನಂತಾನಂತ ವಂದನೆಗಳು.