ಚುಟುಕುಗಳು

ಚುಟುಕುಗಳು

1 ಮಾಗಿಯ ನಸುಕು

ಹಸಿರು ಹುಲ್ಲಿನ ಮೇಲೆ

ಇಬ್ಬನಿಯ ಸಿಂಗಾರ

ಕಾದಿದೆ ಪಾದ ಪೂಜೆ.

2  ಪ್ರತಿಬಿಂಬ

 ತೊರೆಯ  ದಡದ ನಡೆ
  ನೀರೊಳಗೆ ಪ್ರತಿಬಿಂಬದ ನಡೆ

3 ಕಂಬುಲ

ಭೂಮಿಗೆ ಮದುವೆ
ಬಾನಿನೊಂದಿಗೆ

4 ವಯಸ್ಸು

ಕೆಂದಳಿರ ಚಿಗುರು
ನಾಚಿ ಲಾಸ್ಯವಾಡಿತು 
ಹಣ್ಣೆಲೆ ಗದರಿತು

ಬಿರಿವ ಮೊಗ್ಗಿನಬಳಿ
ದುಂಬಿ ಹಾಡಿತು
ನಿನ್ನೆ ಅರಳಿದ ಗುಲಾಬಿ
ಬಿರಿವ ಮೊಗ್ಗನು ಗದರಿತು

5 ನೀರೊಳಗೆ ನಡಿಗೆ

 

ಬೇಕು ನೀರೊಳಗೆ

ಜೋಡು ಕಳಚದ ನಡೆ. 

   6 ನಾಟಿ

ಕೆಸರು ಗದ್ದೆಯ ನಾಟಿ

ಓಬೇಲೆಗಾ ದಾಡಿನ ದಾಟಿ

ಆವುದು ಸಾಟಿ 

ಸುರಿವ ಮಳೆಯೂ 

ತೊನೆಯುತ್ತಿದೆ ಶ್ರಮಿಕರ

ಜೀವನೋತ್ಸಾಹಕೆ 

 

 7 ಎರವಲು

ಮಳೆ ನಿಂತ ಮರ

ಎಲೆ ಎಲೆಗಳ ಹನಿಗಳನೂ

ಕೊಡುವುತಿದೆ

ಎಲೆಎಲೆಗೂ ತಾಕೀತು

ಎರವಲು ಉಳಿಸದಿರಿ

 8 ರಾತ್ರಿ

ರವಿ ಮುಳುಗುವ ಕಂಡ 

ನಿಶೆ ಜಿಗಿದಳು ಭುವಿಗೆ

ಈಗವಳದೇ ರಾಜ್ಯ 

ಚಂದಿರನು ಮರೆಯಾದರೆ

ಸಾಗರವನೂ ನುಂಗುವಳು

ಹಗಲು

ರವಿ ಉದಯಿಸಿದ ಕಂಡು

ನಿಶೆ ಸರಿದಳು ಮರೆಗೆ

ಸದ್ದಿಲ್ಲದೆ ಸುದ್ದಿ ಮಾಡದೆ